Балык Бистәсе районының "Салават күпере" балалар бакчасында Ватанны саклаучылар көненә багышланган чара узды

20 февраль көнне без, балаларыбыз «Салават күпере» балалар бакчасында йөрүче әтиләр һәм әниләр матур бәйрәм кичәсендә кунакта булдык, һәм уй-хыялларыбыз белән улларыбызның ил чигендә сакта торуларын, аларның чын патриотлар булуларын күз алдына китереп утырдык. «Салават купере» балалар бакчасында бәйрәм чараларын һәрдаим үткәреп торалар.Бакчага йөри башлауларына бик аз гына вакыт үтүгә карамастан алар инде «чын артистлар» булып беткәннәр. Җырлый да, бии дә белә башлаганнар. Барлык әти-әниләр исеменнән тәрбиячеләре Фәния апа Газизҗановага, тәрбияче ярдәмчесе Гөлчәчәк Хөсәенова апаларына зур рәхмәтләребезне житкерәбез, эшләрендә иҗади уңышлар телибез. Ижат чишмәләрегез саекмасын.