“Кыйммәтле”ләр коллективның бәһасен күтәрә

Редакциябезгә район телефон элемтәсе хезмәткәрләре адресына юлланган рәхмәт хатлары еш килеп тора. Аларның болай макталуы очраклы гына түгел. Чыннан да соңгы елларда районда телефон элемтәсе күпкә яхшырды. Коллективның уңышы сүз дә юк, кадрлардан тора. Ә әлеге коллективта үз эшен яратып, белеп башкаручы мондый "кыйммәтле" хезмәткәрләр шактый. Сез югарыдагы фоторәсемдә шундыйлардан-Сергей Кузнецов, Сергей Федотов һәм Зөфәр Саитовны күрәсез. Линия-кабель участогы начальнигы Сергей Кузнецов бу коллективта инде 27 ел хезмәт куя. Информацион-технологияләр хезмәтендә Зөфәр исә 22 елын ваклый. Шәһәр телефон станциясе бригадиры Сергей Федотовны да хезмәттәшләре үзләренең тәҗрибәле остазлары итеп саныйлар.