Балык Бистәсендә һава температурасы 8 градуска кадәр түбән төшәчәк
Татарстан гидрометеорология һәм әйләнә-тирә мохитне күзәтү идарәсе хәбәр итүенчә, бүген - 13 ноябрьдә, республикада болытлы һава торышы хакимлек итәчәк.
Көн дәвамында бүген вакыт-вакыт кар һәм юеш кар яву ихтимал. Җил көньяк-көнчыгыштан исә, уртача тизлектә. Юлларда - бозлавык. Узган төндә төшкән томан иртән дә саклана, күз күреме 500 метрдан да кимрәк булачак.
Татарстанда уртача һава температурасы 4 градус салкыннан 1 градуска кадәр җылы булачак. Иң салкын температура республиканың көньяк-көнчыгыш районнарында көтелә.
Казанда шулай ук болытлы һава торышы саклана, явым-төшем көтелә. Көндезге сәгатьләрдә һава температурасы 1 градус салкыннан 1 градуска кадәр җылы булачак.
14 ноябрьгә каршы төндә сизелерлек суыта - һава температурасы 8 градуска кадәр түбән төшә. Кар ява, юлларда бозлавык хасил була.
http://intertat.ru/tt/yanalyklar/item/50871
Фото: https://www.walldevil.com/wallpapers/a72/snow-road-heavy-wallpaper-walls.jpg
Следите за самым важным и интересным в Telegram-каналеТатмедиа
Нет комментариев