Балык бистәсендә ярминкә күпләрнең кәефенә нур өстәде (ФОТО)

автор, 3 март 2015 - 08:21

650

Узган атна азагында район үзәгендә авыл хуҗалыгы ярминкәсе гөрләде.

Балык бистәсендә ярминкә күпләрнең кәефенә нур өстәде (ФОТО)

Районыбызның хуҗалыклары. эшмәкәрләре, мәктәп коллективлары , шәхси затлар нинди генә төр товар- продукт алып килмәгән иде анда?! Кайнатмасы, тозлаган кыяр, помидор, гөмбәсе, мунча себеркесеннән башлап, фураж, салам, печән, чучка балаларына кадәр - барысы белән дә сату иттеләр.

Сатып алучының иң кәефен күтәргәне- продуктларны чагыштырмача түбән бәядән тәкьдим иттеләр. Сатуга чыккан товар, ризык, терлек азыгының төре 100 якын булды. Шәхси затлар тәкьдим иткән кәҗә мамыгы белән каз, үрдәк тә сату киштәләреннән сатып алучы кулына сәгатьләр эчендә күчеп беттеләр.

Кыскасы, һәр ике як та оттырмады бу ярминкәдә.

Вазыйх Фатыйхов.