Уң як двигателе ватылган очкыч ашыгыч рәвештә Казанга төшеп утырды

Бүген Казан аэропортына ашыгыч рәвештә Ан-26 очкычы төшеп утырган, дип хәбәр итә Россиянең Татарстан буенча Гадәттән тыш хәлләр министрлыгы матбугат хезмәте.

Иртәнге 9 сәгать 39 минутта Самара - Байконур маршрутын үтәүче 9503нче авиарейс очкычы авария чыгу куркынычы янаганга Казан аэропортына төшеп утырган. Очкычның уң двигателе эшләми башлаган. Бортта 20 пассажир була, беркемгә дә зыян килмәгән.

Чыганак: tatar-inform