Зинира һәм Ризат Рамазановлар дөрес туклануга күчкән. Җырлы гаилә хәзер кичке алтыдан соң ашамый һәм боткаларга өстенлек бирә икән. «Гастроль тормышы үзен сиздерә. Бераз сәламәтлеккә игътибар биреп алырга булдык», - диләр алар.
Ризат фитнеска да йөри башлаган, дип яза tmtv-online. Күп эстрада йолдызларын спортка тарткан Әсхәт Дөбер-Шатырның укучылары арасында хәзер Ризат та бар.
«Көн аралаш иртәнге алтыдан сигезгә кадәр Әсхәт Дөбер-Шатырда «дөбер-шатыр» киләм. Әсхәт абый белән шулай сөйләштек: ул безгә фигура ясый, ә без аның юбилеен үткәрәбез», - ди Ризат.
Башлап җибәргән әлеге яхшы гадәтләрендә Рамазановларга уңышлар телибез! Сәламәт тәндә - сәламәт акыл!
фото
Нет комментариев