Районда почта бүлекчәләре төзелеше ничек бара?
Җәмгыять

Районда почта бүлекчәләре төзелеше ничек бара?

Балык Бистәсе районы башлыгы Радик Ислямов почта бүлекчәләрен төзү һәм ремонтлау эшләренең барышын тикшерде.

 Подряд оешмасы вәкилләре белән бергә ул объектларның агымдагы торышын бәяләде, эшләрнең башкару темплары һәм проектларны гамәлгә ашыруның алдагы этаплары турында фикер алышты.


 Бүгенге көндә районның җиде объектында эшләр алып барыла. Шуларның дүртесендә яңа модульле почта бүлекчәләре төзелә, тагын өчесендә гамәлдәге биналарга капиталь ремонт ясала.


 Почта инфраструктурасын яңарту халык өчен хезмәт күрсәтүләрнең сыйфатын яхшыртуга юнәлдерелгән.

Заманча җиһазланышлы бүлекчәләр килүчеләр өчен дә, почта хезмәте хезмәткәрләре өчен дә уңайлырак шартлар тудырырга мөмкинлек бирәчәк.
 Район почта челтәрен модернизацияләү эшләре дәвам итә.


Нет комментариев