Һәлакәткә юлыккае Airbus-321 очкычының ике "кара ящигы" да табылган. Аларга сизелерлек зыян килмәгән, дип белдерде Россия транспорт министры Максим Соколов.
- Очышны яздырып бару җайланмиалары техник яктан аларга бераз гына зыян килгән, - дигән министр. - Мисыр ягыннан әйтүләренчә, аларга термик тәэсир булмаган.
Исегезгә төшерәбез, "Когалымавиа" авиакомпаниясенең Airbus A321 самолеты Шарм-эш-Шейхтан Санкт-Петербургка очыш ясаганда, Синай ярымутравында һәлакәткә юлыкты. Борттагы 217 пассажир һәм экипажның 7 әгъзасы һәлак булды. Һәлакәттә бер кеше дә исән калмады.
http://intertat.ru/tt/yanalyklar/item/50438
Нет комментариев