Капланган машинадан биталар һәм пычаклар чәчелгән

Тизлекне арттыру, исерек килеш хәрәкәт итүнең нәтиҗәсе - ВАЗ-2109 автомобиле Бигаш һәм Төзүчеләр проспекты кисешкән чатта капланган. Һәлакәткә очраган машинада тагы 3 егет булган, беркем дә зыян күрмәгән. «ВАЗ-2109» автомобиленең багажнигында биталар, пычаклар тулы капчык табылган. Бер битага кадаклар да кагылган булган. Машинадагыларны полиция бүлегенә алып киткәннәр. Алар Яр Чаллы шәһәреннән килгән дигән фикер бар.