Законлылык һәм хокукый тәрбия
Бозымнан котылырга теләгән туташ 10 млн сумлык мөлкәтеннән колак каккан
Татарстанда социаль мошенниклык очраклары быел 3 меңнән артып киткән.
Аның сүзләренчә, зыян күрүче мошенниклар белән Казансу елгасы ярында таныша. Көн дәвамында аралашканнан соң, яңа танышлары 1992 елгы туташка анарда бозым бар, ди һәм алар аңа бу бәладән котылырга булышачакларын әйтә. Нәтиҗәдә, кыз үзенең алтынннан эшләнгән бизәнү әйберләрен һәм акчаларын мошенникларга тоттыра. Аңа килгән зыян күләме 10 млн сум чамасы бәяләнә.
Икенче бер охшаш очрак шулай ук Казан шәһәрендә теркәлгән. Балигъ булмаган кыз урамда ир кеше белән таныша, аннары әңгәмәгә хатын-кыз да кушыла. Алар да кызны анарда һәм әнисендә бозым бар дип алдалап, акчаларын һәм алтын бизәнү әйберләрен алып, 2 млн сумлык зыян сала. Мошенникларны икенче көнне Яр Чаллы каласында кулга алалар.
Лилия ЛОКМАНОВА
Татар-информ
Татар-информ
Следите за самым важным и интересным в Telegram-каналеТатмедиа
Нет комментариев