Күгәрченлеләр янгынны бердәм авызлыклаганнар

Санаулы минутлар эчендә ялкын бар милекне ялмап алды. Ул күрше йорттагыларга да күчәргә мөмкин иде. Янгынны вакытында күреп аны сүндерергә килгән авылдашларның булышлыгы гына башка хуҗалыкларны бәладан саклап калды. Шәхси тракторын су сиптергечкә көйләгән Илназ Гыймаевның беренче булып килүе янгынга киңәергә ирек бирмәде. Аның ярдәме гаять зур булды. Без аңа барыбыз да бик рәхмәтле. Әлбәттә, чакырылган янгын сүндерү машиналары да килеп җитте һәм утка киртә куелды. Югыйсә, корылык, урамыбыздагы агач йортлар янгын өчен тагын бер "азык" буласы иде. Моннан чыгып шуны гына әйтәсе килә, авыл халкы бәла-казаларда әүвәлгечә бер-берсенә булыша, ярдәмгә ашкына. Мәрхәмәтлелек, кешелеклелек сыйфатлары заманага җайлашмый, югалмый икән.

Шаһиевлар гаиләсе.

Күгәрчен авылы.