Бүген Масловкада мемориаль комплекс ачылды

автор, 8 май 2015 - 11:08

538

Әлеге тарихи һәйкәлне эшмәкәр, «Мегастрой» компаниясе президенты Владимир Малыгин торгызырга уйлаган.

Бүген Масловкада мемориаль комплекс ачылды

Зур чыгымнар таләп иткән бу мемориаль комплекс заманча материаллардан сафка бастырылган. Һәйкәлнең үзәге чокып эшләнгән өч сугышчының сүрәтеннән гыйбарәт. Аның итәгенә авылның сугыш кырында калган ир-улларның исемнәре уелган ике плитә урнаштырылган.

Масловка- Советлар Союзы Герое Игнатий Павлович Петухов туган төбәк буларак та олуг горурлык ноктасы. Комплексны торгызучылар аның истәлегенә аерым махсус стена булдырганнар. Хәер, болар һәм комплексның ачылу тантанасы хакында газетабызның киләсе санында хәбәрчеләребез фоторепортажыннан таныша алырсыз.