Җәйге көннең кадерен белә авыл халкы. Кояшлы, аяз көннәрдә урман аланлыклары җиләкчеләр белән чуарланса, яңгырдан соң гөмбә җыючылар арта. Һәр нәрсәнең үз вакыты дип юкка әйтмиләр.
--Яңа Арыш авылы болыннарындагы каен җиләген күрсәгез икән! Бер утыруда бер чиләкне тутырырга була. Ике сәгать эчендә ирем Рамил белән 15 килограмм җиләк җыйдык. 5 көн бару дәвамында кыш өчен шактый кайнатма ясадым, туңдыргычка сакларга да куйдым, күчтәнәчкә туганнарга да өләштек,--ди Яңа Арыш авылыннан Рәзилә Мөхәммәтрәхимова.
Әйе, табигатьнең юмарт, сый-нигъмәтле чагы хәзер. Бары иренмәскә һәм җиләк, гөмбә җыйганда сак булырга гына кирәк!
Нет комментариев