Хөрмәтле мөселман кардәшләр, райондашлар!

Корбан гаете, ислам динендәге башка бәйрәмнәр кебек үк, күркәм эшләр кылуны, рухи чисталыкка ирешүне һәм гөнаһларыбызны ярлыкауны гәүдәләндерә. Әлеге бәйрәм бигрәк тә авыруларга, бәла-казаларга юлыккан мөселман кардәшләребезгә, олы буын вәкилләренә, ятимнәр һәм мохтаҗларга битараф калмаска, аларга игътибар, ихтирам күрсәтергә чакыра. Тормышта, матди байлыктан бигрәк, якыннарыңның, туганнарыңның игътибары һәм җылы мөгамәләсе күпкә кыйммәтрәк булуын искәртә.   Бәйрәм көннәрендә Аллаһы Тәгаләнең бөеклегенә, исламның хак дин булуына тагын бер кат инанабыз. Корбан гаете белән котлап, һәркемгә күңел тынычлыгы, иман байлыгы, бәрәкәтле озын гомерләр телим. Киләсе Рамазан айларын, Корбан гаетләрен дә исәнлектә-саулыкта каршыларга насыйп булсын! 
Радик Ислямов.
Балык Бистәсе район башлыгы.