Шигырь
Мин яраттым. Бәлки яратмадым -
Хыялларга кереп адаштым.
Хыялларга кереп адаштым да...
Сине сөям диеп саташтым.
Мин ялгыштым. Бәлки ялгышмадым -
Дөрес тарафларга юл алдым.
Дөрес тарафларга юл алдым да...
Упкыннарга кереп югалдым.
Мең кат яндым. Бәлки янмадымдыр,
Эчтән генә пыскып яттымдыр.
Эчтән генә пыскып яттымдыр да...
Хыялымда учак яктымдыр.
Ибләминова Зөлфия Зөфәр кызы
Нет комментариев