Татарстан авылларында 53 модульле кибет барлыкка киләчәк

Бу хакта бүген Татарстан кулланучылар берлеге утырышында мәгълүм булды. Чара берлекнең 2016 елда башкарган эшләренә нәтиҗә ясауга багышланган иде.

Татарстан кулланучылар берлеге идарәсе җитәкчесе Мәхмүт Фәттахов хәбәр итүенчә, 100 һәм аннан да күбрәк йорт исәпләнгән авыл җирлекләрендә барлыгы 53 шундый кибет булдыру күздә тотыла.

Киләчәктә исә мондый кибетләр 75 һәм 50 йортлы авылларда да төзелер дип планлаштырыла.

Сүз уңаеннан, республиканың 507 җирлегенә "күчмә" кибетләр хезмәт күрсәтә. Ихтыяҗ булган барлык авылларда да сату итәр өчен район куланучылар кооперативларына тагын 57 автокибет таләп ителә.

http://www.bugulma-tat.ru

Фотоremont-lyubercy.ru