Матурлыкка, чисталыкка ирешәсе иде

  Йорт тыштан җылытылып сайдинг белән тышланган. Әмма вакытлар узу белән ул сынып, ярылган. Газ торбалары каралып каушакланган, подъездга керүгә штукатурка коела, бетон идәннең ватык урыннары күп, ул имгәнү куркынычы тудыра. Быел очрашу вакытында Татарстан Дәүләт Советы депутаты Дмитрий Самаренкин да күрде әлеге хәлне һәм булышырга вәгъдә бирде. Аның һәм район җитәкчелеге ярдәме белән бер генә подъездга булса да идәннәргә плиткалар ябыштырылды, газ торбалары буялды. Тәрәзәгә пәрдәләр элгәч, гөлләр дә куйгач подъезд яктырып, матурланып китте. Йорттагыларга хәзер шушы чисталыкны саклап яшәргә, өмәләрдә актив катнашырга гына кирәк.

Җитәкчеләребез берничә елдан йортның тышкы ягына гына түгел, подъездларга да капиталь ремонт ясалачагын җиткерделәр. Халыкта: “Башланган эш - беткән эш”, дигән әйтем бар. Ышанабыз, әкренләп барысы да булыр Алла боерса. Йортларыбыз янәдән матурлыкка төренер.

Райлә Дудко,

ТОС җитәкчесе.

twitter.com