Шушы көннәрдә Шиланка авылында яшәүче Антонина һәм Федор Григорьевларның гаилә коруларына 65 ел тулды. Аларны ЗАГС бүлеге җитәкчесе Миләүшә Зарипова һәм Анатыш авыл җирлеге хезмәткәрләре котлады.
65 ел парлы гомер-еллар сынавына бирешмәгән олы мәхәббәтнең чагылышы ул. Шушы гомер бергә яшәү өчен кешеләргә күпме сабырлык, түземлек, өмет-ышаныч кирәк. Григорьевлар гаиләсе күпме еллар дәвамында бер-берсен яратып, хөрмәт итеп, башкаларга да үрнәк гаилә булып гомер кичергәннәр. Күп еллар үткән, балалар үскән, оныклар туган. Бер-берләрен кадерләп яшисе дә яшисе әле бу бәхетле парларга.
Нет комментариев