Рөстәм Миңнеханов эш буенча АКШка бара
Татарстан Президенты Сан-Францискода Америка - Россия Эшлекле Советы утырышында чыгыш ясарга җыена.
Иртәгә Сан-Францискода Америка - Россия Эшлекле Советының еллык утырышы башлана. Анда Татарстан Президенты Рөстәм Миңнеханов җитәкчелегендә республика делегациясе дә катнашачак. Татарстан делегациясенең бүген юлга кузгалачагы билгеле. Эш сәфәренең программасында Сиэтл һәм Сан-Франциско шәһәрләрендә булу каралган. Бу хакта республика Хөкүмәте сайтында мәгълүмат бар.
Америка - Россия Эшлекле Советы утырышына чыгарылган төп тема: "Инновацияләр һәм Россия икътисады үсешен яңарту". 11 ноябрьдә анда Рөстәм Миңнеханов "Россиядә икътисади үсеш катализаторы буларак инновацияләр" темасына төп доклад белән чыгыш ясарга планлаштырган.
Чыганак: tatar-inform.tatar
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев