Агымдагы сайлауларда район буенча 47 сайлау участогы эшли, Барысы 21253 ( хәзерге сәгать мәгьлуматы, сан үзгәрергә дә мөмкин) сайлаучы исәпләнә. Сайлау башлануның беренче минутларында ук район үзәгендәге сайлау участокларында чират җыелды. Күренеп тора, район үзәге халкы сайлауларга битараф түгелләр.
- Сайлауның беренче сәгатендә үк гаиләбез белән тавышларыбызны лаеклы кандидатка һәм партиягә бирдек инде.Элекеге хезмәттәшләремне дә балалары, оныклары белән очраттым. Участокта бәйрәм атмосферасы хөкем сөрә,- ди сайлаучы Сания Насретдинова.
Гадәттә, үткән сайлауларда Тулуш, Ырга авыллары сайлауларны беренчеләр буларак төгәлли иделәр.
- Инде сайлаучыларның 50 проценттан артыгы тавышларын биреп киттеләр,- диде безгә Шетнево- Тулуш авыл җирлеге башлыгы Ринат Бәдретдинов. Бу хәбәр безгә иртәнге 9.00 сгатькә килеп иреште.
Фотосы: in-schelkovo.ru
Нет комментариев