Балык Бистәсе районы Корноухово авылыннан сайлаучы Алина Мортазина беренче тапкыр сайлауыннан бик канәгать калуын белдерде

-Беренчедән, бирегә горурлык хисләрендә килдем. Ни әйтсәңдә Россия, республика язмышын хәл итү көнендә миңа да үз сүземне әйтү мөмкинлеге туды. Ил язмышын хәл итүдз мин дә берникадәр дәрәҗәдә өлеш кертәм бит. Бу көн истәлеге итеп беренче сайлауга килүем уңаеннан истәлек күчтәнәче дә бүләк иттеләр,- диде Алина.

79 яшьлек Сабира апа Габдуллина инде дистәләгән сайлауларда катнашкан сайлаучы.

- Тормышымнан, балаларымның бүгенге язмышыннан бик канәгатмен. Шуңа да сайлауларга күтәренке кәефтә килдем.Сайлауларга беркайчан да битараф караганым юк,- ди биш бала анасы Сабира әби.

Шунысын да әйтеп үтиек, көн яртысына Корноухо сайлаучыларның 70 процентка якыны кандидатлар һәм партияләрне сайлау буенча үзләренең яшерен тавышларын биреп киттеләр.

Вазыйх Фатыйхов.

Автор фотолары.