Игьтибар: тегермәнлеклеләр кунакка чакыра, Галәүләр чишмәсенә
Сез әлегә кадәр гаиләгез белән тау шуар өчен, шулай ук кышкы чишмә буена төшеп, андагы матурлыкка сокланыр өчен вакыт тапмаган булсагыз, күңелегезне төшермәгез, моның өчен нәкъ менә вакыты килеп җитте.
"Хөрмәтле дуслар, туганнар, авылдашлар!
Барыгызны да 4-нче гыйнвар көнне Балык Бистәсе районы Югары Тегермәнлек авылының Галәүләр чишмәсе буенда узачак - "Тау шуу" бәйрәменә чакырабыз!!!
Программада: төрле уеннар, бәйгеләр, кызыклы призлар, матур жырлар, дәртле биюләр, авылыбыз талантлары! Чана шууычы иң яшь һәм иң өлкән кешене бүләк көтә. Тау битендә пылау, пилмән, чәй белән сыйлану мөмкинлеге дә булдырылачак.
Карлы аланда биеп-җырлап рәхәтләнеп күңел ачабыз дигән ният белән килегез. Яхшы кәеф дулкынында булыгыз! Килми калмагыз! Бергәләп бик тә кызык һәм күңелле була ул.
Кышның саф һавасы тәннәргә сихәт, күңелләргә шатлык өстәсен!",- дигән сүзләр бар тегермәнлеклеләрнең чакыруында.
Следите за самым важным и интересным в Telegram-каналеТатмедиа
Нет комментариев