Татарстан Президенты Тарловкада “КАМАЗ-Мастер” командасының сынау полигонында булды

автор, 13 ноябрь 2016 - 17:56

819

"Дакар-2017" ралли-марафонына старт бирелер көн алдыннан Татарстан Президенты "КАМАЗ-Мастер" командасының сынау полигонында булып кайтты. Әлеге полигон Алабуга районының Тарловка авылында урнашкан. Республика башлыгына биредә автомобильнең техник мөмкинлекләрен күрсәттеләр, шулай ук Рөстәм Миңнеханов рульгә утырып, машинаның раллига әзерлеген шәхсән үзе дә тикшерде, дип хәбәр итә Чаллы мэриясе матбугат хезмәте.

Татарстан Президенты Тарловкада “КАМАЗ-Мастер” командасының сынау полигонында булды

"Машина яхшы тәэсирләр калдырды, барысы да уйланылган, амортизация, тормозлар, руль, мотор барысы да уйланылган, - дип тәэсирләре белән уртаклашты Татарстан Президенты. - Машина йөртүче узыш вакытында арымаячак, безнең машиналар югары әзерлекле. Юллар уңар дип өметләнәм".

Чаллы шәһәре мэры Наил Мәһдиев тә команда өчен җан атачагын белдерде. "Чаллы халкы - "КАМАЗ-Мастер" командасының иң тугры җанатары, бу команда үсеп килүче яшь буын өчен максатчанлык, чыдамлык үрнәге. "КАМАЗ" илебезнең тарихына машиналары белән генә түгел, ә аларны җитештергән кешеләре белән дә кереп калырга лаеклы. Бу марафоннан да егетләребез җиңү белән кайтыр дип көтеп калабыз", - диде шәһәр башлыгы.

"КАМАЗ-Мастер" командасы башта Франциядә техник тикшерү үтәчәк. 30 декабрьдә машинаның техник хәлен старт буласы урында, Парагвайда да тикшерәчәкләр, 2 гыйнварда команданы тәүге тизлек участогы көтә. Узыш 14 гыйнварда Буэнос-Айреста тәмамлана.

Шулай ук "КАМАЗ-Мастер" катнаша торган "Африка Эко Рейс" узышы да Монакода 31 декабрьдә старт алып, 14 гыйнварда Сенегалда төгәлләнәчәк. Узыш маршруты "Дакар"ның элеккеге Африка схемасы буенча узачак.

Чыганак: tatar-inform.tatar

Следите за самым важным и интересным в Telegram-каналеТатмедиа

Оставляйте реакции

К сожалению, реакцию можно поставить не более одного раза :(
Мы работаем над улучшением нашего сервиса

Татарстан Президенты Тарловкада “КАМАЗ-Мастер” командасының сынау полигонында булды

Оставляйте реакции

Расскажите друзьям

Нет комментариев