"Рубин" көттергән җиңүен яулады

Россия чемпионатының 12 нче турында казанның "Рубин" футболчылары Үзәк стадионда "Уфа" командасын отты. Кунаклар беренче булып уен башында ук гол кертеп куйса да, казанлылар, барыннан да бигрәк, команда капитаны Олег Кузьмин ярдәме белән күптән көтелгән җиңүен яулады. Әлеге матчта 2 гол кертеп, Олег Кузьмин җыелма командага да юкка гына чакырылмавын исбатлады. Шунысын да әйтергә кирәк: әлеге матчка кадәр ике команданың да 7 генә очкосы бар иде.

Сүз уңаеннан, матчны стадионга килеп 10043 тамашачы күзәтте.

"Рубин" (Казан) - "Уфа" (Уфа) - 3:1 (1:1). Голлар: 0:1 - Пурие, 4, 1:1 - Кузьмин, 20, 2:1 - Кисляк, 65, 3:1 - Кузьмин, 78.

"Рубин"ның составы: Рыжиков, Нәбиуллин, Кверквелия, Кузьмин (Котуньо, 84), Камболов, Кисляк, Оздоев, Карлос Эдуардо (Билалетдинов, 85), Карадениз, Канунников, Портнягин (Девич, 81).

- Әлеге җиңүдән соң без бераз булса да күтәрелдек, - дип дәвам итте Валерий Чалый сүзен. - Уен башында бераз каушап калсак та, икенче таймда өстенлек тулысынча безнең якта булды.