"Дельфин" спорт-сәламәтләндерү комплексында «Хезмәткә һәм оборонага әзер бул!» Бөтенроссия физкультура–спорт комплексы кысаларында бадминтон турниры уздырылды

Барлыгы 30 га якын хатын-кыз һәм ир-егет ике категориягә бүленеп уйнадылар. Беренче категориядә 20 дән 30 яшькә кадәр, икенче категориядә 30 яшьтән өлкәнрәк ир-егетләр һәм хатын-кызлар көч сынаштылар.

Күгәрчен мәктәбеннән Гөлчәчәк Әгъзамова, яшьләр сәясәте, спорт һәм туризм бүлегенән Наталья Хәмидуллина, Балык Бистәсе 2 мәктәбеннән Динар Гайниев, балалар, яшүсмерләр спорт мәктәбеннән Андрей Смолин үз яшь категорияләрендә беренче урыннарны алдылар.