Балыкбистәле Айназ Билалов беренче урынны яулаган

Күптән түгел Әлмәт шәһәрендә Герой-шагыйрь Муса Җәлил истәлегенә татарча көрәш буенча Бөтенроссия бәйгесе булып узды. Анда Россиянең 14 регионыннан иң көчле көрәшчеләр бил алышты. Балалар-яшүсмерләр спорт мәктәбендә тренер Рафыйк Мөхәммәтшин кул астында шөгыльләнүче танылган көрәшчебез Айназ Билалов җанатарларын тагын бер зур җиңүе белән куандырды. 100 килограммнан югары үлчәү авырлыгында чыгыш ясап яшьләр арасында беренче урынны яулады.

Фото редакция архивыннан.