Балык Бистәсе районы Котлы Бөкәш авылында тренер Булат Каюмов призларына 35 яшьтән өлкәнрәк ир–егетләрдән торган командалар арасында хоккей ярышлары узды.
Котлы Бөкәштә тренер Булат Каюмов призларына 35 яшьтән өлкәнрәк ир-егетләрдән торган командалар арасында хоккей ярышлары булып узды. Яшьләрдән уздырып алка куып йөрүче егетләрне ветераннар дип атарга тел әйләнми инде.
Берсеннән -берсе киеренке, кызу уеннарда Күгәрчен командасы җиңүгә иреште. Боз хуҗалары-котлыбөкәшлеләр икенче урынны алдылар. Балык бистәсе командасы өченче урында калды.
Күгәрчен командасы уенчылары Илдар Динмөхәммәтов турнирның -иң яхшы уенчысы, Инсаф Иминов иң яхшы капкачысы дип танылдылар. Балык бистәсе командасыннан Әнәс Пулатов иң яхшы һөҗүмче исеменә лаек булды. Ул көндәшләре капкасына 6 алка кертүгә иреште. Котлы Бөкәштән Самат Әскаров иң яхшы бомбардир исемен алды.
Илгиз Җамалиев.
Фото
Следите за самым важным и интересным в Telegram-каналеТатмедиа
Нет комментариев