Балык-Бистәсе "Чулман" футбол командасы җиңү артыннан җиңү яулый

Безнең районның "Чулман" командасы (тренерлар Радик Гадеев, Фидаил Фазлиев) Яшел Үзән командасын кабул итте. Якташларыбыз көндәшләренә бер өмет тә калдырмадылар. Исәпне беренче таймда ярымсакчы Рәзил Гадиев ачты. Икенче таймда һөҗүмче Олег Мамаков баш белән бик матур ике туп кертте. Дүртенче гол ярымсакчы Рәмзил Гадеев исәбендә. Уен ахырындарак алыштырылган Артем Костаков бишенче тупны өстәде.

Чираттагы уен 28 май көнне 16. 00 сәгатьтә була. Якташларыбыз Мамадыш командасына каршы уйнаячаклар.Барлык спорт сөючеләрне, җанатарларны стадионда көтеп калабыз.