"Ак Барс" хоккей командасы баш тренеры Зиннәтулла Билалетдинов бүгенге матчны яхшы уеннар рәтенә кертте.

Исегезгә төшерәбез, "Ак Барс" хоккейчылары бүген "Уфа Арена" боз сараенда Гагарин кубогы өчен көрәштә Көнчыгыш конференция 1/4 финал раунды кысаларында җирле "Салават Юлаев" командасына каршы өченче матчта җиңелүгә дучар булды - 3:4.

"Уен яхшы, сугышчан булды, кертелгән матур алкалар да күрдек. Киләсе уенга әзерләнәбез. Кагыйдә бозуларның күп булуымы? Мөгаен, теләк көчле булуга бәйледер", - диде Билалетдинов.

Баш тренер капкачы Эмиль Гариповның уенына карата да үз фикерен белдерде.

"Өч алка керттергәч аны алмаштыру турында уй булмады", - диде ул.

Сериядә исәп "Ак Барс" файдасына - 2:1. Җавап матчы Уфада 28 февральдә уза.

http://tatar-inform.tatar

фотоdatanews.ru