Туу, никахлашу, үлү – барысы бергә булачак

РФ Санау палатасы башлыгы шундый тәкъдим белән чыккан. Бу әлеге мәгълүматларны вәкаләтле органнарга тапшыру буенча чыгымнарны киметәчәк, дип саный ул.

Аннары Санау палатасы Росстат сайты белән Юстиция министрлыгы отчетларындагы аермага да тап булган икән. Әйтик, Росстат буенча 2014 елда 1 млн 942 мең кеше туган булса, Юстиция министрлыгында бу сан 1 млн 951 мең икән. Шундый аермалар бик күп табылган.

Якын арада Санау палатасы аермаларны төзәтү өчен документларны Юстиция, Финанс министрлыкларына, Росстатка һәм РФ Хөкүмәтенә җибәрәчәк.