Социаль мәсьәләләр
Балыкбистәлеләр, ишеттегезме: 1 августтан пенсияләр арта
222 сум 81 тиен өстәлә
1 августтан эшли торган пенсионерларның пенсияләре арта. Пенсия фонды аларны "Иминият пенсияләре турындагы" Федераль закон таләп иткәнчә, яңадан исәпли. Бу хакта "Российская газета" яза.
Дөрес, бик күп өстәмәгә өметләнергә кирәкми. Законда иң югары баллар (пенсия коэффициентлары) күрсәтелгән. Алар өчтән артырга тиеш түгел. Быел бер пенсия коэффициентының 74 сум 27 тиен булуын исәпкә алсак, 222 сум 81 тиен килеп чыга. Бу максималь өстәмәгә хезмәт хаклары аена 20 мең сумнан арткан кешеләр исәп тота ала.
Пенсияләрне инфляция дәрәҗәсенә карап индексацияләүгә килгәндә, эшләүче пенсионерлар өчен ул "читтән торып" үткәрелә һәм бары эштән киткәннән соң гына түләнә башлый.
Чыганак: tat.tatar-inform.ru
Фотосы: https://pbs.twimg.com
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев