Яңа елның энҗе кары ява

Сукмакларга җәеп ак бәрхет

Телик дуслар бу көн һәммәбезгә,

Шатлык- куанычлар, ак бәхет.

Чын күңелдән ихлас теләк теләп,

Яңа елны көтеп аласың.

Яңа елда теләк теләшегез,

Җаныбызда өмет яңарсын.

Ышанычлы атлап керик әле,

Җырлап керик яңа елларга.

Ялкынлансын гомер учаклары,

Нурлар түшәп үтәр юлларга.

Сагынырбыз, сагынмыйча булмас,

Истә калган иске елларны.

Багышлыйкчы бүген Яңа елга,

Өмет тулы дәртле җырларны.

Вазыйх Фатыйхов.