Тылсымлы сөю таҗы

Тылсымлы күзләрең белән,

Яраттырдың үзеңне.

Иһлас йөрәктән әйттем шул,

Хисләрем тыя(а)лмый әйттем,

"Сөям" дигән сүземне.

Нишләттең син мине болай,

Күкләрдән генә йөрим.

Көтеп алам һәр сүзеңне,

Серле карашың телим.

Нишләттең син мине болай?

Тылсымлы күзләрең белән,

Иң татлы хисләрең белән,

Сихерләдең җанымны.

Сусап татлы сүзләреңә,

Сусап нурлы күзләреңә,

Каршылыйм һәр таңымны.

Тылсымлы назларың белән,

Мәхәббәт язларың белән,

Ут иттең йөрәгемне.

Инде хәзер тоеп яшим,

Инде хәзер белеп яшим,

Мин сиңа кирәгемне.

Нишләттең син мине болай,

Күкләрдән генә йөрим.

Көтеп алам һәр сүзеңне,

Серле карашын телим.

Нишләттең син мине болай?

Вазыйх Фатыйхов.