Яратасаңмы, дип сорама син,
Мин җилләргә чәчмим хисемне.
Шуны аңла: миңа чиксез рәхәт,
Ишетү дә синең исемне.
Яратасаңмы, дип сорама син,
Җавап бирмәү минем үз эшем.
Син бит минем, җаным, эчәр суым,
Бәхетемә тигән өлешем.
Яратасаңмы, дип сорама син,
Яши-яши үзең аңларсың.
Шуңа ышан: син миңа бердәнбер
Һәм бары БЕР булып каласың!
Фәнис Мөхәммәтҗанов.
Фото: http://new.stihi.ru/pics/2014/10/27/6649.jpg
Нет комментариев