Көз башы

Күңел моңга тулган.
Аллы-гөлле яме сүнгән җирнең,
Чәчәк, гөлләр сулган.

Бушап калган кырлар, сары сарган,
Кошлар җыры тынган.
Җәй уйнаган моңлы сазның гуя -
Чыңы арып сынган.

Урман өсте кызыл, сары, яшел,
Чуар келәм сыман.
Иртә таңда күл өсләре серле -
Тоташ каймак-томан.

Үз итәлми соры төсне болыт,
Үксеп-үксеп елый.
Ел фасылы кошлар китәр юлга,
Алсу яулык болгый.

Гөлфия Исхакова - Валиева,

Воткинск, Удмуртия.

Фото: http://vsevgallery.com/img/bPIC/200812/200812175265.jpg