Шигърият
Коела инде яфраклар
Кулларымда көзнең яфраклары,
Бераз моңсу, бераз сагышлы.
Басып торам көзге уйга чумып,
Уйлый-уйлый гомер-агышны.
Кабатлана көзләр, нидер китек,
Көзге хисләр тарый җанымны.
Битләремнән сыйпап яфрак куна,
Бу җәйләрнең ашкан җанымы?!
Тагын бер ел артта калды әнә,
Алып очты гомер чаптары.
Алтын итеп тоям яфракларны-
Бар күңелнең серле чаклары?
Вазыйх Фатыйхов.
Следите за самым важным и интересным в Telegram-каналеТатмедиа
Нет комментариев