Кайттым, ләкин күпкә соңлаганмын, Минем гаеп - утсыз калуың. Җансыз куеныңда йөрәк елый, Тоеп минсез газаплануың. Еллар аварлыгы баскан иңең, Иелгәнсең кара туфракка. Якты күзләреңдә караңгылык, Үткен чагы инде еракта. Йөзләреңне кар-яңгыр каралткан, Сызгалаган җилләр җыерчык. Кичер мине, атам-анам йорты, Мин бит синең соңгы сыерчык! Алмаз ӘХМӘТГАЛИЕВ. Казан фото от...
Кайттым, ләкин күпкә соңлаганмын,
Минем гаеп - утсыз калуың.
Җансыз куеныңда йөрәк елый,
Тоеп минсез газаплануың.
Еллар аварлыгы баскан иңең,
Иелгәнсең кара туфракка.
Якты күзләреңдә караңгылык,
Үткен чагы инде еракта.
Йөзләреңне кар-яңгыр каралткан,
Сызгалаган җилләр җыерчык.
Кичер мине, атам-анам йорты,
Мин бит синең соңгы сыерчык!
Алмаз ӘХМӘТГАЛИЕВ. Казан
фото от автора.
Нет комментариев