Алыштырмас җан дустыма

Алыштырмам сине беркемгә дә,

Алыштырмам барыр юлымда.

Мең ризамын бүген Ходаема,

Шундый керсез дустым барына.

Синең күнел- чиксез дәрья,

Синең күнел- иркен дөнья.

Хисләремне бер үк тыйма,

Мин булырмын сиңа кыя.

Якыная бара, безнен ара,

Мин тоямын, син дә тоясын.

Бер дингезгә коя хисләребез,

Мондый хисне ничек тыясын.

Язмышлардан узмыш юк, диләр бит,

Ышанам мин бүген үзем дә.

Җан учакка күпме ялкын җыям-

Барысын да синең күзеңнән!

Синең күңел- чиксез дәрья,

Синең күнел- иркен дөнья.

Хисләремне бер үк тыйма,

Мин булырмын сиңа кыя.

Вазыйх Фатыйхов.