Балык Бистәсенең Яңа Арыш урта гомуми белем бирү мәктәбендә Әлифба бәйрәме гөрләде
Шушы көннәрдә Яңа Арыш урта гомуми белем бирү мәктәбендә беренче сыйныф укучыларының Әлифба бәйрәме гөрләде. Сыйныф җитәкчесе Әлфия Гыйлемханова укучыларын бик күп һөнәрләргә өйрәткән.
Сөенеп-шатланып, бәхет диңгезендә утырган кебек хис иттек бу көнне. Кечкенә булуларына карамастан, укучылардагы кыюлык, осталык, сәнгатьлелек шулкадәр көчле иде. Җыр, бию, шигырь сөйләү, ребуслар чишү, табышмакларга җавап табу дисеңме - барысы да бар иде әлеге бәйрәмдә. Бик куанып кайттык. Бу көн мәңге истә калырлык чын бәйрәм булды. Алга таба да укучыларыбыз шундый зиһенле һәм тырыш, сау-сәламәт булсыннар, дигән теләктә калабыз.
Рәзилә Мөхәммәтрәхимова.
Яңа Арыш авылы.
Следите за самым важным и интересным в Telegram-каналеТатмедиа