Балык Бистәсе гимназиясе балалары - "Бәләкәч"тә осталыкларын күрсәткәннәр"

автор, 21 апрель 2017 - 18:27

517

Балык Бистәсе гимназиясендә балаларны мәдәни яктан тәрбияләүгә зур игътибар бирелә. Дәресләрдән тыш вакытта һәм озынайтылган көн төркеме дәресләрендә алар җыр, рәсем ясау, сәнгатьле сүз осталыгы, театр сәнгате белән шөгыльләнәләр.

Өченче класста укучы балалар озынайтылган көн төркеме тәрбиячесе Алсинә Сәйфетдинова театр сәнгате күнекмәләрен алалар, әкиятләрне сәхнәләштерәләр. Әле күптән түгел шуларның берсе белән үзләренең сыйныфташлары каршында һәм "Бәләкәч" балалар бакчасында чыгыш ясаганнар. Бәләкәчлеләр бу тамашадан кәнагәть калып аларны тагын көтеп калуларын җиткергәннәр.