Шушы көннәрдә бакчабызда нәниләр өчен “Сабантуй”бәйрәме булып узды
Тәрбиячеләр мәйдан уртасында төрледән-төрле матур уеннар оештырдылар. Капчык киеп, кашыкка йомырка салып йөгерү, аркан тартышу – барысында да катнашты нәниләр. Бер төркем балалар чүлмәк ватучыларга көч биреп торды. Ә көрәш батырларын Камыр батыр белән Мәргән батыр билгеләде. Һәркем үзенең осталыгын күрсәтте: кемдер җырлады, кемдер биеде. Тирә-юньдә уен-көлке, шаярулар хөкем сөрде.
Һәр сабый үз бәхете белән туып әти-әнисе кочагында үссен, олыларның игътибарын, кайгыртуын һәм мәхәббәтен тоеп яшәсен иде.
Нурфия Галиуллина,
“Салават күпере” балалар бакчасы тәрбиячесе.
Нет комментариев