Шушы көннәрдә Татарстан Республикасында "ирекле татарстанлылар"ның унберенче форумы ачылды.
Аны Татарстан Республикасы яшьләр эше һәм спорт министрлыгы, Җәмәгать Палатасы ярдәме белән "Татарстан Республикасының иреклелек үсеше үзәге" региональ яшьләр җәмгыяте оешмасы оештырды. Республика буенча ирекле оешма вәкилләре быел унберенче тапкыр Татарстан башкаласында әлеге форумга җыелдылар. Ачылу тантанасында Россия Федерациясе Дәүләт Думасы депутаты Илдар Гыйльметдинов һәм яшьләр эше һәм спорт буенча министр ярдәмчесе Рөстәм Гарифуллин катнаштылар.
Форумның максаты Татарстан Республикасында ирекле хәрәкәтне үстерү, алга этәрү иде. Муниципаль ирекле үзәкләрнең, берләшмәләрнең иң яхшы эш тәҗрибәсен презентацияләү, Татарстан Республикасының энциклопедиясен формалаштыру, регионда әлеге хәрәкәтнең 2017 елгы эш планын төзү, проблемалы дискуссияләр, җитәкчеләр һәм доброволецлар катнашында түгәрәк өстәлләр оештыру кебек эш юнәлешләре тәкъдим ителде.
Анда Балык Бистәсе районы беренче номерлы гимназиясеннән 10 А сыйныф укучылары Регина Хәмидуллина, Адилә Хәлимова, Балык Бистәсе икенче номерлы мәктәбеннән Сөмбел Вәлиәхмәтова, Мәшләк мәктәбеннән Ландыш Вафина катнаштылар. Форумның ябылу тантанасында катнашучыларга сертификатлар тапшырылды.
Елена Блинова,
балалар иҗат үзәге методисты.
Нет комментариев