Җир йөзендә нигә ялгызлар күп?

Җир йөзендә нигә ялгызлар күп? -
Дөнья шундый матур чагында.
Күңелләрне нигә төшерәбез,
Бу тормышта бар да барында.

Бер-беребезгә үпкә - ачу саклап,
Дәшми генә көннәр үтәбез.
Килер бер көн, бар да үзгәрер дип,
Күктән яуган бәхет көтәбез.

Эчтән елап, тыштан елмаябыз,
Әйтерсең лә берни булмаган.
Әйтерсең лә өмет өзелмәгән,
Хыял канатлары һич тә сынмаган.

Гөлчәчәк Газизова