Ике яшьлек бала авария ясап, әнисен һәм энесен таптаткан

Приморск краеның Партизан районында була бу хәл. Ике яшьлек улларын Toyota RAV4 салонында калдырып, әти кеше өйгә таба китә, ә кулына яшь баласын күтәргән ана багажниктан коляска ала башлый. Салондагы малай шофер утыргычына күчеп утыра һәм рычагны күчерә. Машина артка таба китә һәм ана кешене таптата. Хатыннын кабыргасы сына һәм тез башы имгәнә. Кулдагы сабый шулай ук җәрәхәтләр ала, дип хәбәр итә НТВ.