Балык Бистәсендә исерек килеш машина йөртүчеләр байтак икән

Бу ел башыннан юл күзәтчелеге хезмәткәрләре " кармагына" исерек килеш рульгә утырган 80 шофер эләккән. 7 се машина йөртү хокукыннан мәхрүм булган килеш икенче тапкыр шундый ук адымга барганнар. Аларны потенциаль җинаятьчеләргә тиңләргә мөмкин. Ни әйтсәң дә, юл һаләкәтенең күпчелеге исерек машина йөртүчеләр белән бәйле теркәлә. Быел районыбыз карамагына кергән юлларда 14 кеше һәлак булган. Бу сан узган елдагыдан ике тапкырга артык. Дөрес,мондый аяныч саннарның төп сәбәпчесе булып "Камаз" юлы тора. Һәлакәтләрнең 85 проценты шушы трассага туры килә.

фотоhttp://student43.ru