Ялларда 8 градуска кадәр суыта

Урыны белән кар явуы фаразланыла, төньяк-көнбатыштан талгын җил исә. Һава температурасы төнлә - 2-7, көндез 0-3 градус салкын булачак. Юлларда урыны белән бозлавык.

Синоптиклар фаразлавынча, буген республиканың бер генә районында да һава температурасы 0 градустан югары булмаячак.

Казанда болытлы һава торышы көтелә, кар яварга мөмкин. Төнлә - 3-5, көндез 0-2 градус салкын булачак.

1 ноябрьдә урыны белән кар яварга мөмкин, көндез юеш кар явачак. Җилнең тизлеге секундына 15 метрга җитеп көчәюе ихтимал. Һава температурасы төнге сәгатьләрдә - 3-8, көндез 1-3 градус салкын булачак.

2 ноябрьгә каршы төндә урыны белән буран чыгарга мөмкин. Җил тагын да көчәя - секундына 18 метрга кадәр җитә. Һава температурасы 0-5 градус суык булачак.