Татарстанда чагыштырмача җылы һава торышы саклана
Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, бүген - 23 декабрьдә, болытлы һава торышы хакимлек итәчәк.
Республиканың күпчелек районнарында бераз явым-төшемнәр көтелә - юеш кар һәм яңгыр ява. Томан да төшәчәк. Көнчыгыштан уртача тизлектә җил исә. Юлларда бозлавык саклана.
Татарстанда уртача һава температурасы төнге сәгатьләрдә - 2 градуска кадәр салкынайта. Көндез исә 3 градус чамасы җылы булачак.
Казанда шулай ук яңгыр ява. Төнлә - 1 градус салкыннан 1 градуска кадәр җылы булса, көндез температура 1-3 градуска кадәр күтәрелә.
Чыганак: http://intertat.ru/tt/yanalyklar/item/52339
Фото: http://misanec.ru/wp-content/uploads/2015/11/1427433070_6005-fbpost.jpg
Следите за самым важным и интересным в Telegram-каналеТатмедиа
Нет комментариев