Татарстан Гидрометеорология һәм әйләнә-тирә мохитне күзәтү идарәсе хәбәр итүенчә, бүген - 3 июльдә, республикада аязучан болытлы һава торышы хакимлек итәчәк.
Синоптиклар фаразлавынча, бүген көндезге сәгатьләрдә күпчелек районнарда яңгыр көтелә. Урыны белән яшен булу ихтималы да бар. Төньяк-көнчыгыштан искән җилнең тизлеге кайбер урыннарда секундына 16 метрга, ә яшен вакытында тагын да көчәеп, 17-22 метрга җитәргә мөмкин.
Бүген республикада көндезге һава температурасы 15-20, Казанда - 15-18 градус җылы булачак. Башкалабызда шулай ук яшенле яңгыр яву ихтимал.
4 июльгә каршы төндә Татарстанда әле кыска вакытлы яңгырлар күзәтелә. Һава температурасы 7 градуска кадәр төшә.
http://intertat.ru/tt/yanalyklar/item/45980
Нет комментариев