Көн темасы
Һава торышы 2 февральгә каршы төндә бозылачак.
(Казан, 1 февраль, "Татар-информ"). Татарстан Гидрометеорология һәм әйләнә-тирә мохитне күзәтү идарәсе республикада һава торышының сизелерлек бозылу ихтималы хакында кисәтә. Һава торышы 2 февральгә каршы төндә бозылачак, ди синоптиклар.
Инде бүген кичкә үк буран чыгачак, төньяк-көнбатыштан искән җилнең тизлеге секундына 15-17 метрга җитәчәк. Буран вакытында күз күреме 1-2 чакрымга кадәр кими.
Моннан тыш атна азагына һава температурасы кабат -20 градуска кадәр түбән төшәчәк. Салкын һава температурасы төнлә генә түгел, көндезге сәгатьләрдә дә сакланыр, дип фараз кылына.
http://tatar-inform.tatar
Следите за самым важным и интересным в Telegram-каналеТатмедиа
Нет комментариев