Ир һәм хатын арасындагы мөнәсәбәтләр гади, катлаулы һәм үтә катлаулы да булырга мөмкин. Бу очракта бер мәгълүм фикер иясенең сүзләрен исегезгә төшереп узасы килә: «Гаилә корырга уйласаң, бернигә дә карама - өйлән. Йә син бәхетле ир, яки философ булачаксың». Кемнәрдер гомер буе тату гомер итә, ә кайберәүләр эт белән мәче...
Казан казые Габдулла хәзрәт Әдһәмовның бу мәсьәләгә ачыклык кертте:
- Әссәләмү галәйкум вә рәхмәтуллаһи вә бәрәкәтүһ!
Ир белән хатын аерылышкан очракта, ир кеше талак сүзләрен әйткәннән соң хатынын, балаларын өч ай буе материаль яктан тәэмин итәргә тиеш. Өч ай узганнан соң, хатын тәэмин итмәсә дә, балаларын кайгыртып торырга бурычлы. Ир белән хатынның уртак маллары, байлыклары булган очракта, аны бүлү тәртибе түбәндәгечә: кайсы күпме күләмдә гаилә бюджетына акча, мал керткән - шуннан чыгып хәл ителә. Димәк, икесе дә 50 процент керткән булса, мөлкәт тигез бүленә. Әгәр дә хатын күбрәк керткән булса, күбрәк өлеш хатынга тиеш була. Ирнең салган хезмәте күбрәк икән, табигый ки, ире күбрәк ала.
Чыганак: intertat.ru.
Нет комментариев